هل سمعتم بالزوج يخاف من زوجته (قلبه يولي يخبط ) ؟

المجتمع الجزائري فيه كل شيء فيه من غرائب و العجائب و الخلائط لا تحصى

حبيت نتبادل عن القصص زوج الذي يخاف من زوجته أو زوجات واعرات بزاف او فحلات يضربون ازواجهم

وحد الخطرة جا ء إليا صديق على ساعة 12 ليل و كي خرجت ليه قال لي حدثت مشكلة في بيت

فسألته عن مشكلة

قال لي تشاجرت مع المدام و هي دارت حالة و انا مصتش وين نرقد

اه جاء يرقد عندي ؟؟؟؟؟؟؟؟؟؟؟؟؟

زوجته طردته من البيت على ساعة 12 ليلا و هو جاء يبات عندي ؟؟؟

فقلت له = الضيوف راهم عندي مكانش بلاصة ( شنانة فيه )

فأقترح عليا ان ندبر له مكان يبات فيه

فقلت له = روح تصالح مع زوجتك و تدخل ترقد

فقال لي = أرواح معايا للدار و تكلم مع زوجة بالك ربي يهديها و تخليني ندخل

على ساعة 12 ليلا روحت معه إلى داره

اول مرة احسست بالخوف من الإمراة تطرد زوجها من البيت

و كي وصلنا للدار دقدق و قالي ادخل و انصحها باش تسامح و تصلح بينتنا ؟؟؟؟؟؟؟

و كي دخلت إلى وسط الدار نتاعو وجدت العجب عجاب

وجدت كل ملابسه مرمية في الأرض من الكوستيم لي تزوج به حتى بيجامة

و قالت له أرفد حوايجك و طير عليا

و خرجت إليا مدام نتاعو

قلت لها مسكين جاء يبات عندي راهو تعبان و هو يطلب منك سماح في خاطر أبناء سمية و نسرين

قالت لي = يروح يتلف عليا و لا نروح للجدارمية منزيدش نشوفوا خلاص

و انا بديت ننصح فيها و قلت لها راهو حسب وجهه نادم شوفي راهو في خارج عاقل يستنا في سماحك

سكتت شوية و دخلت و غلقت الباب البيت عرفت بلي تتركه يدخل يرقد

هههههههههههههههههههههههه

دخل للداره يرقد و شكرني

و انا رجعت إلى داري و روحت لمدام نتاعي قلت لها و الله العظيم هذي داري و ديرها في بالك

قالت لي = واش كاين

قلت لها = مكاين والو

تخلخلت من راسي

و رفعت يدي في السماء و قلت = اللهم أعفي عني و عفيني من مصائب الناس

حقيق على المرء أن يكون صاحب شخصية.رجل في المواقف ليحضى باحترام الجميع خاصة من زوجته.فالجبن مصيبة نسأل الله النجاة والعافية منها.
ومن باب الطرافة سمعت شيخنا الغالي يحكي عن رجلان كلاهما متفقان على أن كل منهما ينال نصيبه من الصراخ والضرب من قبل زوجته.فسأل أحدهما صاحبه فقال:أنت كي أضربك مرتك أش تعمل؟قال:نرفد روحي ونروح للدار الأخرى ونقعد نبكي.فأجابه صديقه قائلا:أنا والله ما أنخاف منها والله غير نقعد نبكي قدامها......................
الله يهدينا ويعافينا من شر ما إبتلى به عباده.
مشكور أخي على الموضوع.